Куртуа "Арсенал"га қарши учрашувгача сафга қайтадими? Анчелотти жавоб берди!

Испания Ла Лигасининг 30-турида "Реал Мадрид" ўз уйида "Валенсия"ни қабул қилади. Ушбу баҳсдан аввал жамоа бош мураббийи Карло Анчелотти матбуот анжуманида иштирок этиб, жамоанинг асосий дарвозабони ҳисобланган Тибо Куртуа ҳақида гапирди. 
 
"Куртуа анча яхши ва у сешанба куни ўйнай олади деб ўйлаймиз. Бизда бироз ноқулайлик сезган Лунин ҳақида шубҳамиз бор. Агар у ўйнай олмаса, Гонзалеcга тўлиқ ишонаман. Унинг тажрибаси кам, лекин у жуда иқтидорли посбон" - дея таъриф бериб ўтди италиялик мутахассис. 
 
Хабарингиз бор, бир неча ўйинлардан буён Тибо жамоага ёрдам бера олмаётган бўлса, сўнгги учрашувда Лунин ҳам жароҳат олгани маълум бўлган эди. 
 
Эслатиб ўтамиз, "қироллик клуби" 8 апрелдан 9 апрелга ўтар кечаси соат 00:00 да "Арсенал"га қарши муҳим баҳсда иштирок этади.