Куртуа: Мен қайтишга тайёрман

"Реал Мадрид" дарвозабони Тибо Куртуа Бельгия терма жамоасига қайтишга тайёрлигини маълум қилди.

- Мен терма жамоада бир ярим йил ўйнамадим. Ҳозир эса қайтишга тайёрман, - дея дарвозабоннинг сўзларини келтирмоқда инсайдер Фабрицио Романо.

Эслатиб ўтамиз, Куртуа Доменико Тедеско билан зиддият туфайли мамлакат терма жамоасида ўйнамаган. Германиялик мутахассис аллақачон жамоа бош мураббийлигидан кетган, унинг ўрнини Руди Гарсия эгаллаган.

Маълумот учун, Испания чемпионатининг жорий мавсумида 32 ёшли бельгиялик посбон 21 та ўйин ўтказди. Куртуа 19 та гол ўтказиб юборди ва еттита учрашувда дарвоза дахлсизлигини сақлаб қолди.