Кутилмаган бурилиш. Зидан ПСЖни бошқаришни яна рад этди!

ПСЖ Маурисио Почеттинони истеъфога чиқарганидан кейин жамоани Зинедин Зиданга топширишга қарор қилган эди.

Сўнгги хабарларда клуб хўжайинлари франциялик мутахассисни ПСЖ билан бир пайтда Франция терма жамоасига ҳам бош мураббийлик қилишига розилик берган, унга ҳар мавсум учун 25 миллион евро маош тўланиши айтилганди.

Бироқ, таниқли журналист Ромен Молинанинг таъкидлашича, Зидан ПСЖни бошқаришдан бош тортган.

Клубнинг қатарлик хўжайинлари ҳамон жамоани  Зиданга топширмоқчи. ПСЖда иш бошлаган янги спорт директори Луис Кампос “Ницца” бош мураббийи Кристоф Гальтени пойтахт клубига олиб келишга ҳаракат қилмоқда.