Кутилмаган танлов. Зидан кимга ишонишини айтди!

“Реал” бош мураббийи Зинедин Зидан клубни тарк этишни истаётган ҳимоячи Марсело ва плеймейкер Искога қаттиқ ишонаётганини маълум қилди.

- Мен бу икки футболчига ҳар доим ишонаман. Улар кейинги пайтда кам ўйнаётганига қарамай, машғулотларда тўлиқ куч билан ишламоқда. Ҳар иккиси ҳам етарли ўйин амалиётига эга бўлмаётганини яхши билан. Лекин вазият шундай. “Реал”да футболчи кўп, шу боис ҳаммани ҳам ўйната олмайман, - деди Зидан.

Айни пайтда Иско “Қироллик клуби” раҳбарларидан ўзини қишки трансферлар мавсумида қўйиб юборишни талаб қиляпти. Кетиш истагини билдирган Марселога ҳам “Интер” ва “Ювентус”дан жиддий таклиф бўлмоқда.

Фикрлар

Фикр қолдириш учун авторизациядан ўтинг!