La Liga chempionlik poygasida “Real” g‘olib bo‘ladi. Nega?

Angliya terma jamoasi sobiq futbolchisi Stiv Makmanaman La Ligada “Real” g‘olib chiqishini taxmin qilmoqda.

27-turdan so‘ng “Barselona”dan ikki ochkoga ortda qolayotgan Zinedin Zidan shogirdlari asosiy raqobatchidan o‘zib ketishi uchun etarlicha omillarga ega.

- “Real” va “Barsa” o‘rtasidagi kurash so‘nggi turgacha davom etadi. Madridliklarda g‘olib chiqish imkoniyati kattaroq. Chunki “Real”ning zahirasi kuchli va o‘yinlar kalendari  ham qulay. “Barselona” esa “Sevilya” va “Atletiko” kabi jiddiy raqiblar bilan to‘qnash keladi. “Barselona”ning yagona ustunligi ularda Messining borligida. Uning bir o‘zi natija ko‘rsatishga qodir, - dedi Stiv Makmanaman.