Ла Лига. "Реал" сафарда ғалаба қозониб, пешқадамга айланиб олди

Испания Ла Лигаси 8-тури доирасидаги "Хетафе" - "Реал" учрашуви якунига етди. Қизиқарли ва кескин курашлар остида ўтган беллашувда мадридликлар 1:0 ҳисобида ғалаба қозонди. 

Учрашувдаги ягона гол Эдер Милитао номига ёзилди. У ўйиннинг 4-дақиқасида бурчакдан ошириб берилган тўпни боши билан дарвозага жойлаб қўйди. Ушбу гол беллашувда ягона бўлиб сақланиб қолди ва "Реал" 22 очко билан турнир жадвалида пешқадамга айланиб олди. "Хетафе" эса 7 очко билан 16-поғонадан жой олди.