Ла Лига рестарти арафасида "Реал" футболчиси номаълум муддатга сафдан чиқди

"Реал" ғҳимоячиси Начо жамоа машғулотларида жароҳат олди. Бу ҳақда клуб матбуот хизмати хабар тарқатмоқда.

Ўтказилган тиббий текширувлар натижаларига кўра, испаниялик футболчи ўнг оёқ сон мушакларидан жароҳат олгани маълум бўлди. Ҳозирча унинг қанча муддатга сафдан чиққани номаълум. Лекин, у Ла Лига рестартидан кейинги илк турни ўтказиб юборади.

“Реал” карантиндан кейинги илк баҳсини 14 июнь куни ўз майдонида “Эйбар”га қарши ўтказади.