Ла Лига учрашуви илк маротаба ТикТокда жонли намойиш этилади

Ла Лига 32-туридан ўрин олган "Реал Сосьедад" - "Бетис" учрашуви ТикТокда жонли эфирда намойиш этилади. Бу ҳақда "The Athletic" нашри хабар берди.

Ушбу ғоя Испаниянинг "Gol" телекомпаниясига тегишли. Унга кўра, баҳс 9:16 формат ва юқори сифатда эфирга узатилади. 

Маълумотларга кўра, бу ТикТокда жонли намойиш этиладиган илк катта турнир ўйини бўлади. Шунингдек, бу учрашув "Gol" компаниясининг телеканалида ҳам жонли тарзда эфирга узатилади. 

Эслатиб ўтамиз, ушбу беллашув 16-дан 17 апрелга ўтар кечаси 00:00да бошланади.