Ла Лига. "Вильярреал" - "Реал": Матнли трансляция

Ассалому алайкум, муҳтарам футбол ихлосмандлари. Испания Ла Лигаси 10-туридан ўрин олган "Вильярреал" - "Реал" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+3'

  Сўнгги дақиқаларни мезбонлар фаолроқ ўтказмоқда.

• 90+1'
  

  Ўйин вақтини сунъий чўзгани учун Ереми Пино огоҳлантирилди.

• 90'
  

  Ўйиннинг асосий вақтига 3 дақиқа қўшиб берилди.

• 88'
  

  Марио Гаспар ва Мои Гомес захирага олинди. Улар ўрнига Рубен Пенья ҳамда Такефуса Кубо ўйинга қўшилди.

• 87'

  Асенсио жарима майдонига узатма амалга оширди. Бироқ жамоадошлари тўпга ета олмади.

• 85'
  

  Марко Асенсио Мариано Диас ўрнига майдонга тушди.

• 83'

  Устунлик мезбонлар томонга ўтмоқда. "Реал" ҳужумда хавф туғдира олмаяпти.

• 80'

  Гол ўтказиб юборган мадридликлар фаолликни оширяпти. Мезбонлар қарши ҳужумда қулай фурсат пойламоқда.

• 78'
  

  Модричнинг кучли зарбасини Морено боши билан қайтарди. Унга тиббий ёрдам керак.

• 76'
  

  ГООООООООООЛЛЛЛЛЛЛ! Морено ҳисобни тенглаштирди!

  11 метрлик нуқта қаршисига келган Ҳерар Морено ўзидан чапга зарба йўллади. Куртуа тўп йўналишини топган бўлса-да, уни қайтара олмади.

• 75'
  

  Чуквуезе жарима майдони ичида Куртуадан ўтди. Дарвозабон уни йиқитди. Ҳакам нуқтага ишора қилди.

• 72'

  Тўп жарима майдони ичида Карваҳалнинг қўлига тегди. Бироқ ҳакам қўлни табиий вазиятда эди, деб топди.

• 70'

  Парехо қулай имкониятдан фойдалана олмади. Зарба ноаниқ кетди.

• 68'
  

  Рақибга нисбатан ишлатилган қўполлик учун Начо огоҳлантирилди.

• 67'

  Менди жарима майдонига ёриб киришни мақсад қилди. Бироқ ҳимоячилар яхши ҳаракат қилди.

• 65'
  

  Зидан ҳам жавоб қайтарди: Иско ва Жуниор Эден Азар ҳамда Эдегорни алмаштирди.

• 62'

  Ўйин майдон марказида кечмоқда.

• 60'
  

  Эмеридан юриш: Бакка, Тригерос ҳамда Педраса майдондан олинди. Улар ўрнига Чуквезе, Эступиньян ва Пино ўйинша қўшилди.

• 57'

  Ҳерар Морено қулай имкониятдан фойдалана олмади. Унинг зарбаси ноаниқ кетди.

• 55'

  Эдегорнинг узоқ масофадан йўллаган зарбаси ҳимоячидан ўтмади.

• 53'

  Жарима майдонига узатилган тўпга "Вильярреал" футболчиларидан ҳеч ким ета олмади.

• 51'

  "Қаймоқранглилар" майдон бўйлаб узатмалар амалга ошириб, рақиб ҳимоясидаги бўш ҳудудларни изламоқда.

• 48'

  Бўлимни мезбонлар фаол бошлади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 43'
  

  Азар ўйиндан ташқари ҳолатда қолиб кетди.

• 41'

  Унаи Эмери шогирдларининг навбатдаги ҳужуми бесамар якунланди.

• 39'

  Эдегорнинг зарбасидан сўнг тўп ҳимоячидан қайтди.

• 38'

  Жамоасининг навбатдаги ҳужумини бошлаётган Васкесни мезбонлар ҳимоячиси қоида бузиш эвазига тўхтатди.

• 35'
  

  Васкеснинг зарбасидан кейин тўп рекашет оқибатида Диасга етиб келди. Мариано ўйиндан ташқари ҳолатда қолганди.

• 33'

  Бакка жарима майдони ичида зарба йўллашига Куртуа йўл қўймади. Тибо тўпни ушлаб олди.

• 31'

  Карваҳаль жарима майдони ичида шерикларига тўп узата олмади. Ҳимоячи унга ҳалал берди.

• 28'

  Ҳар икки жамоа футболчилари рақиб жарима майдонига киришга қийналмоқда.

• 26'

  Тўп назорати "сариқ сувости кемаси" вакиллари томонга ўтяпти.

• 23'

  Карвахаль Педрасага нисбатан қўполлик ишлатди. Ҳакам уни бу сафар оғзаки огоҳлантирди.

• 21'

  Дани Парехо жарима майдони ичидан зарба берди. Тўп тўсин юқорисидан ўтиб кетди.

• 18'
  

  Варан Баккага яхши қаршилик кўрсатди. Мезбонларда бурчак зарбаси.

• 16'

  Майдон эгалари ҳам фаолликни оширяпти. Ўйин темпи ошмоқда.

• 13'

  Марио Гаспар дарвозабон билан бирга-бир вазиятга чиқиб боришига Начо йўл қўймади.

• 11'

  Бу сафар Эден Азар жарима майдонига пас узатди. Ҳимоячилар тўпни узоқлаштирди.

• 9'

  Мадридлкилар марказда тўпни назорат қилмоқда.

• 7'

  Жарима майдони марказига Менди узатма амалга оширди. Дарвозабон тўпни эгаллаб олди.

• 5'
  

  Мариано Диас бу сафар воқеалар ривожидан илгарилаб кетди.

• 4'

  Барчаси жойида! Гол инобатга олинди!

• 3'

  Ҳакам офсайд эҳтимолини кўриш учун ВАРдаги ёрдамчиларига мурожаат қилди.

• 2'
  

  ГООООООООООЛЛЛЛЛЛЛ! Диас ҳисобни очди!

  Карваҳалнинг узатмасидан кейин Мариано Диас ҳисобни очди!

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.