Ла Лигада январь ойининг энг яхши футболчиси эълон қилинди
"Севилья" ҳужумчиси Юссуф Эн-Несири Испания Ла Лигасининг ўтган январь ойидаги энг яхши футболчиси, деб топилди.
23 ёшли марокашлик футболчи ўтган ой жами 7 та голга муаллифлик қилди. Жумладан, "Реал Сосьедад" (3:2) ва "Кадис"га (3:0) қарши ўйинларда хет-трик қайд этган бўлса, яна бир голини "Алавес"га (2:1) қарши ўйинда киритди.
Эн-Несири жорий мавсум “Севилья” сафида жами 31 та ўйинда майдонга тушди ва 17 та голга муаллифлик қилди. Унинг андалусияликлар билан амалдаги шартномаси 2025 йилга қадар имзоланган.
Фикрлар