Ла Лиганинг икки гранд клуби “Ливерпуль” футболчиси учун курашмоқда

“Ливерпуль” аъзоси Райан Гравенберхни Испания Ла Лигасининг икки гранд клуби ўз сафига қўшиб олмоқчи.

"Fichajes" нашри хабарига кўра, 23 ёшли футболчига “Барселона” жиддий қизиқиш билдирган. Каталония клуби голландиялик ярим ҳимоячини қўлга киритиш учун бир нечта футболчиларини сотиб, тушган маблағ эвазига Гравенберхни харид қилишни режалаштирмоқда.

Аввалроқ унинг хизматларидан “Реал Мадрид” ҳам фойдаланмоқчи эканлиги ҳақида хабарлар чиққан эди.

Ҳозирда Transfermarkt порталида Райаннинг  баҳоси 90 миллион евро этиб белгиланган. Жорий мавсумда у 12 та ўйинда майдонга тушиб, 3 та гол ва 2 та голли узатмани ўз ҳисобига ёзиб қўйган.