Ламин Ямал Жаҳон чемпионатлари тарихидаги энг ёш тўпурарлардан бирига айланди

Испания терма жамоаси вингери Ламин Ямал Жаҳон чемпионатлари тарихида ҳисобни очган энг ёш футболчилардан бири сифатида қайд этилди.

18 ёш ва 343 кунлик Ямал 2026 йилги Жаҳон чемпионати гуруҳ босқичи 2-турида Саудия Арабистони дарвозасини ишғол қилди. У учрашувнинг 10-дақиқасида ҳисобни очиб берди.

Бу кўрсаткич бўйича испаниялик футболчидан фақат афсонавий Пеле устун туради. Бразилиялик ҳужумчи 1958 йилги мундиалда Уэльсга қарши баҳсда 17 ёш ва 241 кунлигида гол урган эди.

Жаҳон чемпионатлари тарихида ҳисобни очган энг ёш футболчилар рўйхати:

1. Пеле (Бразилия) — 17 ёш 241 кун (1958 йил, Уэльсга қарши)

2. Ламин Ямал (Испания) — 18 ёш 343 кун (2026 йил, Саудия Арабистонига қарши)

3. Дивок Ориги (Бельгия) — 19 ёш 65 кун (2014 йил, Россияга қарши)

4. Мартин Ҳоффманн (Германия) — 19 ёш 88 кун (1974 йил, Чилига қарши)

5. Жуд Беллингем (Англия) — 19 ёш 145 кун (2022 йил, Эронга қарши)

6. Килиан Мбаппе (Франция) — 19 ёш 183 кун (2018 йил, Перуга қарши)

Шу тариқа, Ямал Жаҳон чемпионатлари тарихида ҳисобни очган иккинчи энг ёш футболчи сифатида ўз номини тарихга муҳрлаб қўйди.