Ламин Ямални “Барса”да қолишига йўл қўймаймиз!
“Пари Сен-Жермен” клуби мутасаддилари Испания терма жамоаси ва “Барселона” ҳужумкор футболчиси Ламин Ямал бўйича махсус режа ишлаб чиқди.
El Nacional нашрининг ёзишича, парижликлар 17 ёшли футболчи каталонияликлар билан янги шартнома имзоламаслиги учун қўлидан келган барча ишни қилади.
Франция чемпионлари Ямални катта маблағ эвазига “Барселона” билан шартномани янгилаш фикридан қайтармоқчи. Улар футболчига ўз даврида Килиан Мбаппега яратиб берилган молиявий шароитлардан кам бўлмаган шартнома шартларини таклиф қиляпти.
ПСЖ Ламин Ямални молиявий томондар рекорд даражада даромад кўрадиган футболчига айлантиришни ваъда қилмоқда. Шу орқали улар ёш ўйинчига босим ўтказмоқчи.
Ямалнинг “Барселона” билан амалдаги шартномаси 2026 йилнинг ёзигача давом этади. Каталонияликлар янги битим имзолаш учун футболчи 18 ёшга тўлишини кутмоқда.
Ямал жорий мавсумда барча турнирларда 38 та учрашувда қатнашиб, рақиблар дарвозасига 13 та гол урган ва жамоадошларига 17 та голли пас узатган.
Фикрлар