"Ланс" ҳимоячиси билан янги шартнома имзоламоқчи

Келаси мавсум Чемпионлар лигасида ўйнайдиган "Ланс" бир қатор муҳим футболчиларидан айрилди. Энди навбат Кевин Дансога келган бўлиши мумкин. Ҳимоячига "Наполи"дан қизиқиш бўлгани ҳақда миш-мишлар тарқалганди. 

Франция клуби Дансони олиб қолишга ҳаракат қилмоқда. Унга 2027 йилгача амал қиладиган шартнома таклиф қилиниши кутилмоқда. Футболчининг маоши ҳам ошади, дея хабар бермоқда инсайдер Никола Скира. 

Маълумот учун, 24 ёшли ҳимоячи 2021 йилда "Аугсбург"дан 6 миллион евро эвазига "Ланс" такрибига келиб қўшилган.