“Ланс”да Ҳусанов билан ўйнаган футболчи бошқа клубга ўтди

“Ланс”да Абдуқодир Ҳусанов билан ёнма-ён ўйнаган марказий ҳимоячи Кевин Дансо ейинчалик “Тоттенхэм”га кўчиб ўтган эди. Энди тажрибали футболчи яна жамоа алмаштирди.

“Сандерленд” уни “Тоттенхэм”дан янги мавсум охиригача ижарага олди.

Дансо 2025 йил февраль ойида “Ланс”дан “Тоттенхэм”га келди. Дастлаб у ижара асосида келганди, кейин эса 21 миллион фунт эвазига доимий равишда сотиб олинди.

Лондондаги бир ярим йил давомида Дансо 52 та учрашувда майдонга тушиб, бир гол урди. Бироқ ҳозирги вақтда “шпорлар” бош мураббийи Роберто Де Дзерби марказий ҳимоячилар етишмаслигидан азият чекмаяпти.

Шу сабабли Дансога “Сандерленд”га ўтишга рухсат берилди. Агар клуб Премьер-лигадан тушиб кетишдан қутулиб қолса, у ҳолда “Сандерленд” мавсум охирида 27 ёшли австриялик футболчини 22 миллион фунт эвазига мажбурий равишда сотиб олиши керак бўлади.