Лапорта "Барселона" кийиниш хонасида футболчиларга мотивацион нутқ сўзлади

"Барселона" президенти Жоан Лапорта мавсумнинг ҳал қилувчи қисми олдидан жамоа футболчиларини руҳлантиришга киришди.

"Mundo Deportivo" хабарига кўра, клуб раҳбари муҳим ўйинлар олдидан футболчиларни руҳий жиҳатдан тайёрлаш мақсадида жамоа кийиниш хонасига ташриф буюриб, мотивацион нутқ сўзлаган.

Бош мураббий Ханс-Дитер Флик ҳам президентнинг бу ташрифи жамоага ҳақиқатдан ёрдам беришини таъкидлаган.

Қизиғи шундаки, Жоан Лапортага "Барселона" кийиниш хонасига кириш учун махсус рухсат талаб қилинган. Сабаби, унинг клуб президенти сифатидаги расмий янги муддати фақат июль ойидан бошланади.

Эслатиб ўтамиз, у март ойида иккинчи муддатга қайта сайланган эди.