Laporta: "Endi "Barselona" taniqli futbolchilarni sotib olishi mumkin"

"Barselona" klubi prezidenti Joan Laporta Kataloniya klubidagi moliyaviy ahvol haqida gapirdi.

- Moliyaviy ahvolimiz ancha yaxshilandi. Biz normal holatga yaqinlashdik. Endi "Barselona" taniqli futbolchilarni sotib olishi mumkin. Yaqin kelajakda biz moliyaviy ahvolimiz haqida batafsil ma’lumot beramiz, - deya Laporta so‘zlarini keltiradi "La Vanguardia" nashri.

Avvalroq, uch yillik tejamkorlik va iqtisodiyotni tiklash bo‘yicha faol ishlardan so‘ng klub futbolchilarning ish haqi xarajatlarini klub daromadining 60 foizigacha (399 million evro) kamaytirishga muvaffaq bo‘lgan, 2020/2021 yilgi mavsumda esa bu ko‘rsatkich 98 foizni tashkil etgani aytilgan edi.

Ma’lumot uchun, "ko‘k-anorranglilar" La Liganing o‘tgan mavsumini turnir jadvalida ikkinchi o‘rinda yakunladi.