Лапорта Хавига “Реал”да ўйнаган юлдузни олиб бермоқчи

“Барселона” раҳбарияти ёзги трансферлар вақтида аргентиналик ҳужумкор футболчи Анхель ди Марияни трансфер қилмоқчи.

AS нашрининг хабар беришича, айни пайтда ПСЖ шарафини ҳимоя қилаётган 34 ёшли футболчига Каталония клуби хўжайини Жоан Лапорта қизиқиш билан қарамоқда.

Ди Мария бундан бир неча аввал каталонияликларнинг ашаддий рақиби “Реал” шарафини ҳимоя қилган.

Анхелнинг парижликлар билан шартномаси мавсум охирида тугайди. Томонлар ҳали янги битим бўйича келишувга эришгани йўқ. “Барселона” тажрибали футболчини эркин агент сифатида бепул қўлга киритмоқчи.

Ди Мария 2007 йили “Росарио”дан Европага йўл олганидан кейин “Бенфика”, “Реал” ва “Манчестер Юнайтед” клубларида ҳам тўп тепган. У парижликлар сафида 2015 йилдан бери ўйнаяпти. Моҳир футболчи жорий мавсумда барча турнирларда 20 та учрашувда қатнашиб, учта гол ва бешта ассист қайд этди.