Лапорта Хавини нега ҳайдашга уринаётгани ошкор бўлди

“Барселона” президенти Жоан Лапорта жамоа бош мураббийи Хави Эрнандесдан тезроқ қутилмоқчи.

Аслида Хави мавсумнинг иккинчи ярмида чемпионат якунланганидан кейин клубдан кетишини айтганди. Бироқ раҳбарияти уни бу фикрдан қайтарди.

Шунга қарамай, мураббийнинг айрим қарашлари Жоан Лапортага ёқмади.

Marca  нашрининг ёзишича, Лапорта Хави клубга ишонмайди, деган хулосага келган. Бунга бош мураббийнинг клубнинг молиявий аҳволи ҳақида гапиргани ва бу ҳолат таркибни кучайтиришга йўл қўймаётганини ошкор қилгани сабаб бўлгани айтилмоқда.

Жоан Лапорта жамоани клубнинг молиявий аҳволидан қатъи назар, нуфузли совринлар учун курашишга чорлай оладиган тажрибали мутахассис бошқаришини истаяпти.