"Latsio" Gollandiya terma jamoasi hujumchisini tarkibga qo‘shib olmoqchi

Rimning "Latsio" klubi "Lion" hujumchisi Memfis Depayning xizmatlariga jiddiy qiziqish bildira boshladi. Bu haqda Corriere dello Sport nashri xabar tarqatmoqda.

Yuqoridagi manbaaga ko‘ra rimliklar kelasi mavsum Chempionlar ligasida muvaffaqiyatli ishtirok etish uchun tarkibni kuchaytirishmoqchi. O‘z navbatida gollandiyalik futbolchining ham frantsuz klubi bilan amaldagi shartnomasi 2021 yilga qadar imzolangan. Shu bois "Lion" rahbariyati uni tekinga qo‘yib yubormaslik uchun yozda sotib yuborishi ham mumkin.

Eslatib o‘tamiz, Depay tizzasidan jiddiy jarohat olgani bois hozirda davolanmoqda. U bu mavsum boshqa maydonga tusholmaydi.