"Лацио" ўз етакчисини қанчага сотмоқчи?

Римнинг "Лацио" клуби раҳбарияти жамоа ярим ҳимоячиси Сергей Милинкович-Савичнинг нархини маълум қилди.

Tuttomercatoweb нашри тарқатган хабарга кўра А Серия клуби 25 ёшли футболчисини 120 миллион еврога баҳоламоқда. Агар “Лацио” бу мавсум чемпионликни қўлга киритса, унинг нархи янада ошиб кетиши мумкин.

Таъкидлаш керакки, Милинкович-Савич учун "Реал", "Манчестер Юнайтед" ва ПСЖ клублари жиддий кураш олиб боришмоқда.

У жорий мавсум “Лацио” сафида 31 та ўйинда майдонга тушди ва 5 та гол ҳамда 7 та голли узатмага муаллифлик қилишга эришди.