"Лацио" ўз тарихида илк бор бу ишни уддалади

Италия чемпионати 23-тури доирасида "Парма" устидан қозонилган ғалаба "Лацио" учун турнир жадвалида иккинч ўрин билан биргаликда шахсий рекорд соҳиблигини ҳам тақдим этди.

Италия нашрлари хабарига кўра, "бургутлар" А Серияда бу вақтгача бирон марта кетма-кет 18 тур давомида мағлубиятсиз серияни қайд эта олишмаган.

Сўнгги бор римликлар А Серия 5-тур доирасида "Интер"га мағлуб бўлишган эди. "Лацио"нинг Италия чемпионатидаги кейинги баҳси 16-февраль куни "Интер"га қарши ўз майдонида бўлиб ўтади.