Лазизбек Мулложонов: Ла Крузни пенсияга чиқараман, деб дадамга, устозимга ваъда бергандим

Тошкентдаги "Ҳумо арена"да бокс бўйича эркаклар ўртасида чорак финаллар бошланмоқда.

-92 кг вазн тоифасида Лазизбек Мулложонов кубалик Сезар Ла Крузга қарши рингга кўтарилди. Беллашувда Лазизбек Мулложонов 4:1 ҳисобида ғалаба қозониб, сенсация қайд этди. 

Шу тариқа, ҳамюртимиз ярим финалга йўл олди ва камида бронза медалини нақд қилди.

- Рақиб тўғрисини айтсам, жуда кучли. Лекин Аллоҳга шукр, халқимизнинг дуоси билан ғалаба қозондик. 

Бу жангни энг қийини, дея олмайман. Чунки кутганимдан қийин кечгани йўқ. Ла Круз ҳам менга ўхшаб очко ишлайдиган боксчи бўлгани учун жуда қийналмадим.

Дадамга, устозимга ваъда бергандим, Ла Крузни пенсияга чиқараман деб. Шукрки, бу насиб қилди. Мухлислар ҳам катта куч-қувват бўляпти, - деди Лазизбек Мулложонов.