Легионеримизнинг голи жамоасини кейинги босқичга олиб чиқди

Малайзияда фаолият олиб бораётган легионеримиз Санжар Шоаҳмедов яна ўзини кўрсатишда давом этяпти.

У мамлакат Кубогида жамоасининг ғалабасига катта ҳисса қўшди. Яъни, Малайзия Кубоги 1/8 финал доирасида “Теренгану” клуби “Петалинг Жая Сити” билан куч синашди.

Учрашувнинг 37-дақиқасида Санжар Шоаҳмедов томонидан киритилган ягона гол “Теренгану”ни кейинги босқичга олиб чиқди. Ҳамюртимиз ушбу баҳсда тўлиқ иштирок этди.

Матнда хатолик топсангиз, ўша хатони белгилаб, бизга жўнатинг (Ctrl + Enter)