Леклер: "Ўзбекистон ҳақида кўпроқ нарсаларни билишга ҳаракат қиламан"

"Феррари" пойгачиси Шарль Леклер Ўзбекистон ҳақида ўз фикрларини билдирди. Формула-1 пилоти 12 декабрь куни Тошкентда ўтказилган FIA Awards тақдирлаш маросимида иштирок этди. 

- Ақл бовар қилмайди! Кўрганларимнинг барчаси ҳайратланарли. Менимча бошқа ҳеч қаерда бундай майда деталларгаям берилган эътиборни кўрмаганман. Бу ер ажойиб, мен бошқа мамлакатлар маданиятига жуда қизиқаман. Ўзбекистоннинг ажойиб ва жуда қизиқарли тарихи бор, бу ерга таклиф этилиш мен учун катта шараф ва мен Ўзбекистон ҳақида кўпроқ нарсаларни билишга ҳаракат қиламан, - деди Леклер.

Мавсум якунига кўра, Шарль 242 очко тўплаган ҳолда Формула-1 шахсий рейтингида бешинчи ўринни эгаллади. Унинг шериги, шунингдек, етти карра чемпиони британиялик Льюис Хэмилтон олтинчи поғонадан жой олди (156 очко). "Макларен" пойгачиси Ландо Норрис жаҳон чемпиони бўлди.