Лэмпард: Биз бошқалардан нусха олмаймиз

Лондоннинг "Челси" клуби бош мураббийи Фрэнк Лэмпард жамоаси тўғри йўлдан кетаётганини айтди.

“Ливерпуль” ва “Манчестер Сити” ҳақида гапирмоқчи эмасман. Улар топ даражадаги ўйинчилар ва мураббийларни олиб келиш билан катта ишни амалга оширишди. Уларнинг даражасига тезда етиб оламиз, дейиш ақлсизлик бўлади. Биз бошқалардан нусха олмасдан, ўз йўлимиздан боришимиз керак. Таркибимизда ёш футболчиларнинг ўсишига кўмаклашувчи тажрибали футболчилар бор. Биз тўғри йўлдан кетаётганимизга ишонамиз”, - дейди Лэмпард.

АПЛнинг 29-туридан сўнг, “Челси” мусобақа жадвалида 4-ўринда бормоқда.