Лэмпард "Эвертон"га "Челси"даги собиқ жамоадошини олиб келмоқчи

"Эвертон"нинг янги бош мураббийи Фрэнк Лэмпард ўзининг "Челси"даги собиқ жамоадоши Эшли Коулни Мерсисайд клубидаги мураббийлар штабига қўшилишини истамоқда.

Sky Sports хабарига кўра, Коул билан музокаралар аллақачон якунланган ва якуний қарор яқин кунларда қабул қилиниши керак.

Коул ҳозирда "Челси" академиясида ишлайди, шунингдек, Англиянинг 21 ёшгача бўлган терма жамоасига ҳам мураббийлик қилади.

Аввалроқ, айнан Лэмпарднинг илтимосига кўра "Эвертон" Деле Алли ва Донни ван де Бек билан шартнома имзолагани хабар қилинганди.