Лэмпард: "Ғалабани нишонлаётган вақтда қўлимни синдириб олдим"

"Эвертон" бош мураббийи Фрэнк Лэмпард "Ньюкасл" устидан қозонилган драматик ғалабадан сўнг ўз фикрларини билдириб ўтди. Айтишича, у гол урилган онда қўлини синдириб олган.

"Ҳа, ғалаба завқига берилиб, қўлимни синдириб олганимни сезмай қолибман. Менимча, суякларим нозик бўлса керак (кулади).

Умуман олганда, ажойиб ва унутилмас кеча бўлди. Бизга шундай ўйинлар керак эди. Йигитлар ҳар томонлама ҳамжиҳатлиги билан ғалабага муносиб эканлигини исботлади. 

"Эвертон" мухлислари анчадан буён биздан чиройли ғалаба кутаётган эди. Уларга буни тақдим эта олганимиздан хурсандман", - деди англиялик мутахассис.