Лэмпард: Жиру "Челси"да қолишини хоҳлайман

“Челси” клуби бош мураббийи Фрэнк Лэмпард яқиндагина етарли ўйин амалиётига эга бўлолмаётгани сабаб жамоадан кетмоқчилигини билдирган ҳужумчи Оливье Жиру ҳақида гапириб ўтди.

“Жиру майдонга тушмаётганидан хурсан бўлмаслиги керак, бу фактни қабул қилмаслиги лозим. Яхши футболчилар худди шундай ўйлашади. Мен унга ҳали имконият берилишини ва жамоага катта фойда келтиришини айтдим. Мен унинг “Челси”да қолишини хоҳлайман”, - дейди Лэмпард.

Эслатиб ўтамиз, бундан аввалроқ 33 ёшли франциялик футболчига “Интер” ҳамда МЛС клубларидан қизиқишлар борлиги ҳақида хабар берган эдик.

Маълумот учун, Жиру жорий мавсум “Челси” сафида 5 та ўйинда майдонга тушди.