Лэмпард: "Каванининг трансфери? Бундай таклифни рад этмайман"

"Челси" бош мураббийи Фрэнк Лэмпард ПСЖ ҳужумчи Эдинсон Каванининг трансфери ҳақидаги саволларга жавоб берди.

"Кавани ажойиб футболчи, унга қарши бир неча маротаба тўп сурганман. Унинг менталитети менга жуда ёқади. Унинг самарадорлиги эса ўзи ҳақида маълумот бериб турибди.

Кавани тажрибали футболчи, аммо бошқа шундай кўплаб футболчилар ҳам бор. Бизнинг жамоа ёш футболчилардан таркиб топган, унга тажрибали футболчилар қўшиш иложи бўлса рад этмаган бўлар эдим. Чунки ёш футболчиларга тажриба ҳам керак бўлади.

Каванининг трансфери? Бу ҳақида тўлиқ маълумотга эга эмасман, шундай экан яна кўрамиз", - дейди Лэмпард.