Ленинградда

Россиянинг Ленинград областида бугун расман тугатилган “Тосно” клуби ўрнига янги жамоа ташкил этилади.

“Ленинград областида “Ленинградец” номи билан янги жамоа тузилади. Клуб аллақачон Профессионал футбол лигасида иштирок этиш учун ариза берган. Ушбу жамоа “Тосно”нинг бир қатор футболчиларига таклиф билан чиқади”, - дейилади маҳаллий ҳокимиятнинг матбуот хизмати берган хабарда.

Эслатиб ўтамиз, ҳамюртимиз Вагиз Галиулин якунланган мавсумни айнан "Тосно" сафида ўтказган ва Россия кубогида зафар қучган эди.