"Лестер" ҳимоячиси ёзда МЮга кўчиб ўтиши мумкин

"Манчестер Юнайтед" клуби яна "Лестер" ҳимоячиси Гарри Магуайрга қизиқиш билдира бошлади.

ESPN тарқатган хабарга кўра “қизил иблислар” 26 ёшли англиялик футболчини яқинлашиб келаётган ёзги трансферлар даврида сотиб олишга яна бир бор уруниб кўришмоқчи.

Эслатиб ўтамиз, МЮ Магуайрни ўтган ёз ҳам сотиб олишга ҳаракат қилиб кўрган эди. Бироқ, “тулкилар” ўшанда футболчисини 93 млн еврога баҳолашган, бу нарх эса манкуанликларга маъқул келмаган эди.

Маълумот учун, Магуайр “Лестер” сафига 2017 йил “Халл Сити”дан 13,7 млн евро эвазига кўчиб ўтган эди. У жорий мавсум 30та ўйинда иштирок этди ва 3та гол уришга эришди.