Левандовски “Бавария”дан ўч оляпти

“Бавария” ҳужумчиси Роберт Левандовски клуб уни “Барселона”га қўйиб юбормаётгани туфайли машғулотларда ўзини ёмон томондан кўрсатмоқда.

Аввалига мавсумолди машғулотларига бормаслигини айтган ҳужумчи кейинчалик фикрини ўзгартирди ва жамоага қўшилди.

Левандовски биринчи кунги машғулотларга охирги келди ва олти дақиқа кеч қолди.

Иккинчи куни ҳам у худди шундай йўл тутди ва икки дақиқа кеч келди. Левандовски 9:00 га белгиланган машғулотларни соат 10:00да бошлади.

Роберт жамоа бош мураббийи Юлиан Нагельсманн билан гаплашмаяпти. Шу икки кун ичида у бир марта унинг қўлини сиқиб қўйди, лекин мулоқот қилгани йўқ.