Левандовски: "Биринчи ўйинда ютганимизда, финалга чиққан бўлардик"

"Барселона" ҳужумчиси Роберт Левандовски жамоанинг Чемпионлар Лигаси ярим финал босқичидан чиқиб кетгани ҳақида фикр билдирди. 

"Агар биз биринчи ўйинда ғалаба қозонганимизда, ҳозир Мюнхенда бўлган бўлардик, деб ўйлайман. Иккинчи ўйинда эса биз тезда икки гол ўтказиб юбордик, кейин ҳисобни тенглаштирдик, учта гол урдик, аммо бу етарли бўлмади. Жамоа сифатида биз яхшироқ кўриндик, лекин барибир финал йўллланмасидан маҳрум бўлдик", — дея Левандовскининг сўзларини келтиради Mundo Deportivo.

Ушбу мавсумда "Барселона" икки ўйин натижаси бўйича "Интер"га 6:7 ҳисобида мағлуб бўлди. Футболчининг сўзларига кўра, ҳал қилувчи лаҳза айнан биринчи учрашув бўлган, унда жамоа ўз имкониятларидан фойдалана олмаган.