Левандовски "Евро-2024"дан кейин Польша терма жамоасини тарк этадими?

Польша терма жамоаси ва "Барселона" ҳужумчиси Роберт Левандовски 2024-йилги Европа чемпионатидан кейин ҳам ўз мамлакати терма жамоасидаги фаолиятини якунламаслигини айтди.

"Ҳақиқатан ҳам билмайман. Бунга турли омиллар таъсир кўрсатади. Шунча йил давомида маълум даражада, катта умидлар билан ўйнаш, нафақат ўз орзуларингизни, балки польшаликларнинг орзуларини рўёбга чиқаришга интилиш ҳам оғир юк. Албатта, жамоада ўзимни яхши ҳис қиляпман. Ичкаридаги атмосфера сизни бу ерда қолишдан завқлантиради. Жисмоний жиҳатдан ҳам бу мени безовта қилмайди."

"Келажакда терма жамоани жуда эрта тарк этганимдан афсусланмоқчи эмасман. Аммо, вақти келганда мен бу қарорга қарши курашишни хоҳламайман. Хозир эса ундай эмас.", - дея Левандовски сўзларини келтиради УЕФА матбуот хизмати.

Маълумот учун, "Евро-2024" гуруҳ босқичидаги иккита ўйиндан сўнг Полша терма жамоаси бирорта ҳам очко ололмади ва турнирнинг плей-офф босқичига йўлланма олиш имкониятидан маҳрум бўлди.