Левандовски фаолиятидаги энг яхши жамоа қайси эканлиги ҳақида гапирди

Роберт Левандовски "Барселона"га ўтиши фаолиятидаги энг тўғри қарорлардан бири эканини таъкидлаб, ўз фикрлари билан ўртоқлашди. 
 
"Каталониядаги одамлар бошқа жойлардан кўра нисбатан хушчақчақ ва очиқроқ. Клуб ҳақида гапирадиган бўлсам, жамоанинг қанчалик буюк эканини сиз ҳар қадамда, ҳар бир ишда кўрасиз, ҳатто мавсумолди мусобақага йўл олганингизда ҳам бу яққол сезилади. 
 
Буюк клубларда тўп сурганман, лекин "Барселона"да бошқача бир ҳис-туйғу бордек. Бу ерга келганимнинг биринчи куниданоқ ўзимни тўғри жойда эканлигимни ҳис қилдим" - дея таъриф бериб ўтди польшалик форвард. 
 
Маълумот ўрнида, 36 ёшли ҳужумчи жорий мавсум 40 та учрашувда майдонга тушиб, 35 та гол ва 3 та голли узатмага муаллифлик қилган.