Левандовски: "Гюндогандек шеригингиз бўлса, қоронғуда ҳам футбол ўйнаса бўлади"

Европа Чемпионлар лигаси нимчорак финалидан ўрин олган "Барселона" - "Наполи" баҳси бўлиб ўтди. Ушбу ўйинда "кўк-анорранглилар" 3:1 ҳисобида рақибдан устун келди. 

Каталонияликлар сафида Фермин, Канселу ҳамда Левандовски гол урган бўлса, неаполликларнинг ягона голи Раҳмани томонидан киритилди. 

Роберт Левандовски жамоадоши Илкай Гюндоган ҳақида ўз фикрларини билдирди. Польшалик футболчи ўтган ёзда Каталония грандига кўчиб ўтган шеригидан мамнунлигини таъкидлади.

"Гюндогандек шеригингиз бўлса, қоронғуда ҳам футбол ўйнашингиз мумкин. У ҳар доим оптимал ҳолатда. Илкай баъзида ҳеч қандай мақсадсиз югургандан кўра, ўз позициянгизни оқилона танлаб, кутиш яхшироқ эканини доим исботлайди", - деди Левандовски ўйиндан кейинги интервьюсида.

Эслатиб ўтамиз, Гюндоган ва Левандовски Дортмунднинг "Боруссия"сида ўйнаган ва бу жамоа билан Чемпионлар Лигаси финалига қадар этиб борган.