Левандовски: "Мен кетаман ва тез орада қайтиб келаман"

"Барселона" футболчисига айланиши кутилаётган Роберт Левандовски "Бавария" билан хайрлашди. 

"Мен қайтиб келаман ва барча ходимлар билан хайрлашаман. Менда тайёргарлик учун ҳам вақт йўқ эди. 

Бу саккиз йил ҳаётимда унутилмас онларни тақдим этди. Мюнхенда ажойиб дамларни бошимдан ўтказдим. 

Яқинда мен учиб кетаман ва йиғинларда иштирок этаман. ("Барселона" билан) Сўнгра қайтиб келиб, нимадир ташкиллаштираман", - деди польшалик форвард. 

Мюнхен клуби унинг трансферидан 45 миллион евро ишлаб олади. Бундан ташқари, 5 миллион евро бонус ҳам мавжуд. Роберт "кўк-анорранглилар" билан 2025 йилга қадар мўлжалланган шартномага имзо чекиши кутилмоқда.