Левандовски: Месси ва Роналду даврида соврин ютиш ёқимли

"Бавария" ҳужумчиси 2020 йилнинг The Best совринини қўлга киритганидан кейин, ўз фикрларини билдириб ўтди.

"Мен мураббийлар штабига ва бутун жамоамга миннатдорлик билдираман. Месси ва Роналду даврида ушбу совринни ютиш жуда ёқимли. Мен бахтлиман. Бугун мен ва жамоадошларим учун ўзгача кун бўлди. Ақлбовар қилмас туйғуларни ҳис этяпман.

Бу йил барча совринларни ютдик. Айниқса, Чемпионлар лигасида ғолиб бўлганимизни алоҳида таъкидлаш керак. Ушбу турнирда зафар қучиш менга ҳар доим орзуларга ишонишингиз кераклигини ва бунинг учун сизга мукофот берилишини кўрсатади," - деди Левандовски.