Левандовски ва Кристенсен бирга “Барса”дан бир жамоага ўтиши мумкин

Туркиянинг Haberler нашри маълумотига кўра, Суперлиганинг энг қудратли клубларидан ҳисобланган “Фенербаҳче” клуби “Барселона”нинг икки футболчисига жиддий қизиқиш билдирмоқда.

Манбага биноан, турклар  “Барселона”нинг тажрибали ҳужумчиси Роберт Левандовски ва Андреас Кристенсенга жиддий қизиқяпти. Польшалик форвард Каталонияда қолиш ниятини билдирган бўлса, даниялик ҳимоячи жамоани ўзгартиришга тайёр.

Турк клуби Левандовскини ҳамкорлик қилишга кўндириш учун унинг агентлари билан алоқага чиқди. Экспертлар 37 ёшли ҳужумчи фикрини ўзгартириши мумкинлигини таъкидлаяпти.

Ҳар икки ўйинчининг каталонияликлар билан амалдаги шартномаси 2026 йилнинг 30 июнида тугайди. Клуб раҳбарияти уларга янги шартнома таклиф қилмайди.