Levandovskiga maxsus “Oltin to‘p” topshirildi (foto)

“Bavariya” hujumchisi o‘tgan mavsum yakunlariga ko‘ra, dunyoning eng kuchli futbolchisiga beriladigan eng nufuzli sovrin – “Oltin to‘p”ga asosiy da’vogar edi. Biroq, sovrin ta’sischilari pandemiyaning futbolga ta’siri inobatga olgan holda bu gal sovrinni hech kimga topshirmaslikka qaror qildi.

Shunday bo‘lsa-da, Levandovski o‘ziga xos “Oltin to‘p”ga ega bo‘ldi. Polshalik mashhur reper Kuebonafide “Bavariya” hujumchisiga Lego konstruktsiyasidan yasalgan “Oltin to‘p”ni topshirdi.

France Football nashri ta’sis etgan “Oltin To‘p” sovrini 1956 yldan buyon mavsumning eng zo‘r futbolchisi, deb topilgan futbolchilarga berib kelinadi.