Левандовскига тўртта мамлакатдан таклиф бор
“Барселона”нинг польшалик ҳужумчиси Роберт Левандовски жорий мавсум якунлангач, эркин агент сифатида бошқа клубга ўтиши мумкин.
37 ёшли футболчига даъвогарлар қаторида Италиянинг “Ювентус” ва “Милан” жамоалари, шунингдек МЛСдаги “Чикаго Файр”, Саудия Арабистони ва Туркия чемпионатлари вакиллари бор, деб хабар беради Sport нашри.
Маълумки, “Барселона” форвардга янги шартнома таклиф қилишни режалаштирмоқда, бироқ юқоридаги клублар футболчига молиявий жиҳатдан янада манфаатли шартлар таклиф қилиши аниқ.
Жаҳон футболидаги энг сермаҳсул форвардлардан ҳисобланган Роберт Левандовски 2022 йил ёзидан буён “Барселона” сафида тўп сурмоқда.
Каталонияга ўтишидан аввал польшалик тўпурар Бундеслигада “Бавария” ва”Боруссия Дортмунд” клублари шарафини муваффақиятли ҳимоя қилган.
Фикрлар