Левандовскининг агенти харидор билан учрашадиган бўлди

Ўтган мавсум ўз голлари билан “Барселона”нинг Ла Лига чемпиони бўлишига катта ҳисса қўшган Роберт Левандовскининг Каталониядаги келажаги мавҳум бўлиб турибди.

Польшалик футболчи маошининг катта қисмидан воз кечиш эвазига бўлса-да, “Барселона”да қолмоқчи. Клуб мутасаддилари эса, 37 ёшли форвард ўрнига ёш, тезкор ва бақувват ҳужумчи олиб келиш мақсадида Левандовски билан ҳамкорликни узайтирмоқчи эмас.

Goal портали ва AS нашрининг хабар беришича, Левандовскининг манфаатларини ҳимоя қилиб келаётган футбол агенти Пини Захави тез орада Саудия Арабистони Про-лигаси вакиллари билан ҳамкорлик масаласини муҳокама қилиш учун учрашув ўтказади.

Левандовскининг Саудия Арабистонига кўчиб ўтиши реал вариант ҳисобланади. Шайхлар машҳуо тўпурарга катта маош ваъда қилмоқда.

Аввалроқ, польшалик футболчи келажаги бўйича қарор қабул қилишга шошилмаётганини айтган эди. Бироқ бу масалани ортга суриш ҳам тўғри бўлмайди. Чунки Роберт Левандовскининг “Барселона” билан амалдаги шартномаси тугашига ярим йил қолди холос.