“Leyptsig” hujumchisi “Liverpul”ga o‘tishi mumkin

Germaniyaning “Leyptsig” klubi hujumchisi Timo Verner yozgi transfer oynasi vaqtida boshqa jamoaga o‘tishi mumkin. Bu haqda Bild nashri ma’lum qilmoqda.

Germaniya terma jamoasi a’zosining transfer narxi 100 million evroga baholanmoqda. 22 yoshli futbolchining xizmatlariga, shuningdek, “Real Madrid”, “Atletiko” va “Arsenal” qiziqish bildirmoqda.

Ma’lumot uchun, Timo Vernerning “Leyptsig” bilan kelishuvi 2023 yilning yozigacha mo‘ljallangan.