Лиам Росеньор "Челси"дан "Реал" футболчисини сотиб олишни сўради

"Челси" жамоаси янги бош мураббийи Лиам Росеньор аллақачон клуб раҳбариятига трансфер бўйича мурожаат қилган. Бу ҳақда "Fichajes" нашри хабар бермоқда.

Манба берган маълумотга кўра, Росеньор "Челси"дан "Реал" ҳимоячиси Трент Александр-Арнольдни жамоага олиб келишни сўраган. Мураббийнинг фикрича, футболчи лондонликлар ўйин тизимига айнан мос келади. 

Таъкидланишича, "арисрократлар" Трентни сотиб олиш ҳуқуқи билан ижарага олишга ҳаракат қилмоқчи. Бироқ "қироллик клуби" футболчини қўйиб юборишни истамаяпти.

Эслатиб ўтамиз, кеча Лондон клуби Лиан Росеньорни жамоага янги бош мураббий этиб тайинлади. Клуб Англиялик мутахассис билан 2032 йилгача мўлжалланган шартнома имзолади.