Лига 1. Турнинг марказий беллашувида ПСЖ ўз уйида мағлуб бўлди

Франция 1-дивизиони 14-туридан ўрин олган ПСЖ - "Лион" учрашуви ўз ниҳоясига етди. Унжа меҳмонлар 1:0 ҳисобидаги ғалабага эришди. 

Баҳсда киритилган ягона голга Кадевере 35-дақиқада муаллифлик қилди. 

Ушбу беллашувдан сўнг, ПСЖ 28 очкоси билан қолиб, 3-ўринга тушиб кетди. "Лион" эса очколарини 29 тага етказиб, 2-поғонага кўтарилиб олди. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  Неймарга тиббий ёрдам кўрсатилмоқда. 

• 90+'
  

  Мендес огоҳлантирилди. 

• 90+'
  

  Кимпембе сариқ карточка ишлаб олди. 

• 90+'
  

  Ўйиннинг асосий вақтига 6 дақиқа қўшиб берилди. 

• 88'
  

  Пакета ўрнига Какере майдонга тушмоқда. 

• 87'

  Мбаппега узатилган тўп ҳимоячилар томонидан тепиб юборилди. 

• 82'

  Данилонинг зарбаси ўхшамади. 

• 77'
  

  "Лион" борган сари ҳимояга чуқурроқ ётмоқда. 

• 75'

  Парижликларнинг кетма-кет узатмалари ўз манзилига етиб бормаяпти. 

• 72'
  

  Кин ўрнига Рафинья майдонга тушди. 

• 71'
  

  Лопесга нисбатан ишлатган қўполлик учун Неймар сариқ карточка ишлаб олди. 

• 71'

  Неймарнинг зарба беришига ҳимоячилар йўл қўймади. 

• 68'

  Токо-Экамбининг зарбаси салгина ноаниқ кетди. 

• 65'
  

  Дюбуа ўрнига Де Шильо майдонга тушмоқда. 

• 64'
  

  Вератти ўрнига Эррера, Ди Мария ўрнига Мбаппе майдонга тушди. 

• 59'

  "Лион" ўз ярим майдонида рақибни кутиб олмоқда. 

• 56'
  

  Паредес сариқ карточка олди. 

• 54'

  ПСЖ тўпрни назорат қилмоқда. Аммо хавфли ҳужумлар йўқ. 

• 51'

  "Лион" шошмаяпти. 

• 48'

  ПСЖ футболчисининг хатоси сал бўлмаса қимматга тушарди. Лионликлар вазиятни бой берди. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 1 дақиқа қўшиб берилди. 

• 44'
  

  Иккинчи бурчак зарбаси ҳам ўхшамади. 

• 43'
  

  Бурчак узатмасига Кимпембе зарба бера олмади. 

• 43'

  Лопеш Флоренцининг зарбасини қайтарди. 

• 38'

  ПСЖ янада фаоллашди. Бироқ жарима майдонига ёриб киришнинг имкони бўлмаяпти. 

• 35'
  

  ГОООООООООООООЛЛЛЛЛЛЛЛЛЛЛЛЛЛЛЛЛ!!! Кадевере ПСЖнинг биргина хатосидан фойдаланиб, ҳисобни очиб кетди. 

• 34'

  Пакета ҳужумда фол ишлатди. 

• 31'

  Марселонинг жарима майдонига узатмаси ўхшамади. 

• 28'

  ПСЖ ҳамон тўпни орқа чизиқда ушлаб турибди. 

• 25'

  Меҳмонлар тартибли ҳимояланяпти. 

• 23'

  "Лион" тўпни тезда олдириб қўймоқда. 

• 21'

  Ауар майдон марказида Ди Марияга нисбатан қоидани бузди. 

• 19'

  "Лион" фаоллашди. 

• 17'

  Баккернинг жарима майдонига узатган тўпи ҳимоячилар томонидан майдон ташқарисига чиқариб юборилди. 

• 15'
  

  Бурчакдан узатилган тўпга "Лион" футболчиси зарба бера олмади. Диалло бунга йўл қўймади. 

• 12'

  Майдон марказида Неймар йиқитилди. Ҳозирча, карточка йўқ. 

• 9'

  "Лион" прессинг уюштирмоқда. Аммо бу у қадар кучли бўлмаяпти. 

• 7'

  Флоренцининг зарбаси ноаниқ чиқди. Кин тўпни дарвозага жойлаб қўйиши ҳам мумкин эди. 

• 6'

  ПСЖ тўпни назорат қилишга эътибор қаратмоқда. 

• 4'

  "Лион" футболчиси ҳужум пайтида Кимпембени йиқитди. Фол.

• 2'

  Кин манзилига узатилган илк пас кучлироқ чиқди. 

• 1'
  

  Ўйин бошланди. 

• 0'

  Жамоалар майдонга тушиб келиб улгурган. 

• 0'

  Ассалому алайкум, азиз футбол мухлислари. Франция биринчи дивизионининг энг қизиқарли қарама-қаршиликларидан бири ПСЖ ва "Лион" жамоалари ўртасида кечади. Матнли трансляцияни Абдулвосид Валихонов олиб боради.