"Лион" "Арсенал"нинг собиқ футболчисини 25 млн еврога сотиб олди

Франциянинг "Анже" клуби футболчиси Жефф Рен-Аделед фаолиятини "Лион" клубида давом эттирадиган бўлди.

21 ёшли футболчи бугун Лион шаҳрида бўлади ва тиббий кўрикдан ўтади. Шундан сўнг, янги клуби билан шартномага имзо чекилади.

Трансфер тафсилотлари маълум қилинмаган, аммо "Goal.com" сайти трансфернинг қиймати 25 млн евро деб хабар қилди.

Рен-Аделед футболчилик фаолиятини 2015 йили "Арсенал" клубида бошлаган. Лондонликлар 2018 йили футболчини "Анже" клубига ижарага бериб юборган. Кейинчалик французлар футболчи трансферини расмийлашитириб олишган.

Франция ёшлар терма жамоасидан доимий тарзда чақирув олади.

Сўнгги мавсумда, Франция чемпионатида 35 учрашув ўтказиб, 3 та гол ва 3 та голли узатмани амалга оширган.