"Лион" бош мураббийлиги учун яна бир номзод пайдо бўлди

“Генгам” ва “Бордо” клублари собиқ бош мураббийи Жослен Гурвеннек фаолиятини “Лион”да давом эттириши мумкин.

Le Parisien нашри тарқатган хабарга кўра Гурвеннек номзодини шахсан клуб президенти Жан-Мишель Олас илгари сурмоқда. Бироқ, жамоанинг спорт директори Жуниньо Пернамбукано 47 ёшли мутахассиснинг номзодига унчалик ҳам қўшилмаяпти.

Шу боис “Лион” бош мураббийлигига Лоран Блан номзоди фаворит бўлиб турибди. Уларнинг шорт-листида шунингдек Руди Гарсия («Марсель» ва «Рома» собиқ бош мураббийи) номлари ҳам бор.