"Лион" даниялик ҳимоячи билан шартнома имзолади

"Сампдория" клуби ҳимоячиси Йоахим Андерсен фаолиятини Франция чемпионатида давом эттирадиган бўлди.

Аниқроғи, 23 ёшли даниялик футболчи "Лион" билан шартнома имзолади. Бироқ, ҳозирча келишув шартлари ошкор этилмаяпти.

Маълумот учун, Андерсен "Мидтъюлланд" клуби тарбияланувчиси ҳисобланади. У "Сампдория" сафида 2017 йилдан буён тўп суриб келмоқда. У шу кунгача А Серия клубида 42та ўйинда иштирок этган.