"Lion" Depay bilan shartnomani uzaytirmoqchi

“Lion” klubi rahbariyati jamoaning gollandiyalik yarim himoyachisi Memfis Depay bilan amaldagi shartnomani uzaytirish bo‘yicha muzokaralarni boshlab yubordi. Bu haqda L'Equipe nashri xabar tarqatmoqda.

Yuqoridagi manbaaga ko‘ra frantsuz grandi 25 yoshli futbolchining shartnomani uzaytirish borasidagi taklifga rozi bo‘lishiga to‘liq ishonmoqda.

Eslatib o‘tamiz, Depay ayni damda tizzasidan olgan jarohatidan davolanmoqda. Avvalroq, uning Evro-2020 da ham ishtirok etolmasligi haqida xabarlar tarqalgan edi.

Ma’lumot uchun, Depay joriy mavsum Frantsiya chempionatida 13 ta o‘yinda maydonga tushdi va o‘z hisobiga 9 ta gol hamda 3 ta golli uzatma yozdirib qo‘yishga erishdi. Uning klub bilan amaldagi shartnomasi 2021 yilga qadar imzolangan.